مملكة تونغا او تونجا

 _النصابون الجدد (1)

النصب والإحتيال هما عملان يحتاجان الكثير من الذكاء..

وإللى ماعندوش فكرة عن النصب بيفكر إنها شغلانة سهلة وبسيطة ومريحة 

هى فعلا مريحة بدنيا لكن مجهدة عقليا 

يعنى الشغل كله على المخ ومن الأخر كدا يعنى مش أى حد ممكن يشتغل نصاب

.. لازم تتوفر فيه عدة مواصفات ومهارات وحبذا لو كان وسيم.

.الناس بيصدقوا الأشخاص الحلوين جرب كدا يتنصب عليك من واحدة حلوة

 هاتلاقى نفسك بتساعدها إنها تنصب عليك وتأكلك البالوظة والأونطة

 وأنت مبسوط وبتشرب وراهم حاجة ساقعة بيبسي لزوم الهضم.

. وعمال تنيم في ضميرك وتسكت نفسك اللوامة..

  والسينما طرحت حكاية النصب والنصابين دي في أفلام كتير

 أشهرها (العتبة الخضرا) و(عصابة حمادة وتوتو) و(رجب فوق صفيح ساخن) و(إوعي وشك) وغيرها من الأفلام.

. وزمان كان النصاب من دول مش محتاج غير مظهر حلو 

بحيث إن الضحية ماتشكش فيه..

 مع شوية ذكاء ولباقة عشان يبلف الضحية.

 بس دا كان زمااااااااان دلوقتى عملية النصب بتحتاج مجهود عقلى أكبر

 وتكاليف أكتر ومظاهر لإضفه نوع من الأبهة

 ودا لأن ناس دلوقتي غير ناس زمان خالص..

 دلوقتي العيل الصغير بيحتاج لجهد ومعاناة عشان تقدر تحور أو تضحك عليه.

. عشان كده كان لابد للنصاب من أن يطور أدواته ويرفع من مهارته 

خاصة وأننا في عصر الفيس والواتس والماسنجر 

وكل وسائل التواصل الاجتماعي إللى محت المسافات بين البشر .

.وزمان كان النصاب بيشتغل على فئة السذج والطماعين 

دلوقتى النصب بقى عن بعد يعنى ممكن تنصب وأنت فى بيتك

 أو يتنصب عليك وأنت قاعد على الكيبورد من غير ما تحس.. 

أو من خلال شاشة التلفزيون وأنت مجعوص على الكنبة وبتقزقز لب وسوداني.

.لكن فيه نوع تاني من النصب أنت إللى بتروح له برجليك!!!! 

وإلى لقاء قادم إن شاء الله في سلسلة اشهر نصابين في التاريخ

الي هتكون علي القناة هنا ان شاء الله 

 (متنساش)..