تجربتي للسياحه في كينيا
في ٢٠١٤
كنت في كينيا سياحه اسبوع اتعرفت علي واحد مغربي كان بيبيع أجهزة كهربائية و تليفونات السامسونج الجديدة ولما اتكلمت معاه قالي انه بقاله ١٠ سنين في كينيا وماشاء الراجل كان معاه حوالي ١٣ محل و٣ مخازن ومصنع بلاستك وقالي انها بيستورد الاجهزه دي وبيبعها والناس كلها كانت عارفها جدا ومشهور اووي ولما سالته انت مبسوط في كينيا قالي جدا زي مانت شايف عندي بيزنس كبير وقالي كمان انه اول ماوصل البلد مكنش مصدق انه هيوصل لكل ده
المهم من شهرين لقيته بعتلي رساله علي الفيس بيسلم عليا وطبعا مشاغل الحياه نسيته خالص لدرجه اني مكنتش اعرف انه عندي علي الفيس 
طبعا سلمت عليه وكنت لسه بقوله نفسي اجيلك كينيا لقيته بيقولي انا في امريكا ونفسي ارجع كينيا طبعا انا استغربت قلتله يا راجل بقي في حد في امريكا ويرجع كينيا وبعد ماعرفت الي حصله فعلا هو كان عنده حق
قصته في ٢٠١٦
واحد صاحبه في امريكا قاله تعالي امريكا وهنا تقدر تعمل مشايع زي الي عندك وهتعدي وتبقي مليونير طبعا زي اي حد من اصحابنا مسافر بره
طبعا الفكره جت في دماغه وقدم علي امريكا وطبعا خدها بسهوله بس للاسف باع كل حاجه في كينيا وطلع علي امريكا وبفلوسه ومشروعه هناك عمل اقامة ولكن لايتوقع ان سوق العمل في كينيا لا يقارن بامريكا نهائي ده طبعا عشان التحدي في امريكا بين الشركات عملاق بسبب الشركات والمشاريع الكبيرة وعدد سكان الناس والضرائب والخ الخ
طبعا هو مش متعود علي كده وقالي هنا المكاسب ضعيفه جدا قدام الي بيدفعه وبالبلدي كانت سفريه نحس وصاحبه اداله معلومات غلط عشان هو كان عاوز يخليه يفتح مشروع ويشتغل معاه مع العلم انه صاحب عمره المهم هو حاليا شغال في معرض اجهزة منزليه عشان مقدرش يكمل في مكان مهما كان هو جميل بس مخاطره كتيره
الي عاوز اقوله بلاش نصدق اي حد بره في مكان يقولك تعالي عشان ممكن يكون مش مخلص وطبعا مش كل الناس الا من رحم ربي
الاهم بقي الي عاوز اقوله
- انك تعيش في بلد مش متقدمة بس عايش فيها كويس ومحقق نجاح
- احسن ميت مره من بلد متقدمة بس مش محقق نجاح
- واسمك عايش وخلاص
- طبعا الكلام ده من وجهت نظري
- واكيد كل واحد ليه وجهت نظر وتجارب
تعليقات
إرسال تعليق