مملكة تونغا او تونجا

 

 الحقيقة الكاملة  - ليبرلاند 

 

 اخيرا هنسافر ونتجوز وناخود فلوس وجنسية كمان 

ولو معندكش بيت هتاخود بيت وعربيه 

وهنجبلك شغلانه مكنتش تحلم بيها 

هو احتمال ماتشتغلش الحقيقة وتاخود راتب بس كمان

كل دة واكتر في دولة الاحلام 

الدولة الي كل الناس بتتكلم عنها الفترة الي فاتت 

دولة في قلب اوروبا ولكن مفيش حد عايش فيها 

والحكومه بتاعه الدولة دي بيعيطو بالدموع كل يوم 

علشان يلاقو حد يحكموه 

معانا ومعاكم النهارده دولة ليبرلاند

زي ما اتوعودنا علي المصداقية هنا اننا ندخل نتكلم بالتفاصيل المملة عن اي حاجة او اي فرصة تظهر في اي مكان في الكوكب

قصة ليبرلاند انا سامع عنها من 2015 من اول ما تم الاعلان عن تاسيسها

في الفترة دي كنت لسة بخطط لمستقبلي وحلمي بالسفر وكدا يعني

وكانت من ضمن الدول الي تم طرح اسمها مابيني وبين بعض اصدقائي الي كنا بنتشارك في نفس الهدف والحلم

وقتها وبعد بحث اكتشفنا انها منطقة حدودية بين دولتين 

صربيا وكرواتيا ومساحتها حوالي 7 كيلو متر 

والدولتين غير معترفين بيها زي مابيحصل في اماكن كتير حول العالم تلاقي ديما قطع اراضي غير معترف بملكيتها لاي دولة وبتكون مساحات صغيرة مش كبيرة يعني 

المهم ان في شخص اسمه فيت جتليكا هو الي اخذ باله من المنطقة دي

وراح هناك وصمم علم وواطلق علي نفسه لقب ملك الدولة الجديده 

وقتها كان عامل بعض مقاطع الفيديو الي بيشرح فيها اية هي الدولة والقوانين وبما انها دولة جديده كان بيطلب من الناس انها تسافر علي دولته وفي المقابل اي شخص يوصل ويقرر يعيش 

هيتم تجنيسة بشكل مباشر ومش كدا وبس لا كمان قال اية 

لو حضرتك مكسل تيجي وعاوز تاخود الجنسية وانت في بيتك تقدر تطلب الجنسية واحنا هنبعتلك باسبورك في الشحن السريع لغاية باب بيتك 

ومش كدا وبس كمان دة عمل حاجة غريبه جدا وهي انه قرر ان تكون عملت الدولة دي هي عملة رقمية يعني انسي خلاص زمن الفلوس الكاش كلة هيبقي اليكترونك 

عاوز اقولكم موقف مضحك شوية 

بعد الاعلان عن الدولة دي بفترة حوالي شهر تقريبا 

طلع مصرين كتير علي تويتر واعلنو انهم هيروحو الدولة دي ويحتلوها ويغيرو اسمها 

اه والله ولو فاكر الموضوع هزار لا خالص

بدليلل ان اغلب الصحف العالمية وقتها نشرو الاخبار دي وقالو ان العرب يقررون غزو اوروبا من خلال ليبرلاند 

وحصل ضجه جامده جدا وقتها 

طبعا الموضوع كان مضحك شوية الحقيقة 

طيب علشان نروح الدولة دي بقي نروح ازاي بص ياسيدي علي الموقع بتاعهم مكتوب

لازم تستخرج تاشيرة اليكترونية واقامة اليكترونية كمان لو بتفكر تعيش هناك فترة من الزمن 

وبعد كدا هتحجز طيران علي كرواتيا او صربيا 

وبعد ما توصل صربيا او كرواتيا هتاجر مركب وتروح علي الدولة دي من خلال البحر

مش هي دي المفاجئة 

لا تعالي اقولك التقيلة بقي لو حضرتك حاولت تدخل الموقع علشان تاخود جنسية او اقامة او حتي تاشيرة 

بص كدا سعرها كام ؟

ايوة زي مانت شايف كدا مظبوط 45 الف دولار الرقم صح 

مش كدا وبس عاوز اقولك انك لو افترضنا انك اخذت الفيزا 

ودفعت كل الفلوس دي وخلصت كل حاجة بشكل قانوني وسافرت 

للاسف في احتمال كبير بنسبة 100 بالمية انك مش هتقدر تسافر اصلا لييييييية

لان باختصار الدولة المزعومه دي غير معترف بيها من الامم المتحده يعني مفيش اي مطار يسمحلك انك تمر من خلاله علشان توصلها

من الاخر القصة كلها حوار ونصباية 

او خلونا نقول انه عادي ممكن يكون مثلا الراجل كان نفسه يعمل حاجة او بيحلم بحاجة معينه ولما محصلش نصيب حول المشروع بتاعه لنصباية 

المهم ان انت نفسك تقدر تعمل الحكاية دي مش قصدي النصباية طبعا اقصد انك تشوفلك حته ارض غير تابعه لاي دولة وتعلن استقلالها 

ولكن في شروط كدا لازم تحققها علشان تعلن استقلال اي دولة 

ودة هنزل عنه المقطع الجاي فيديو لو حابب تشوفة يبقي اشترك في القناة علشان يوصلك المقطع اول ما ينزل ان شاء الله

اما قصة ليبرلاند دي فانا نصيحتي ليك ابعد عنها دي نصباية كبيرة جدا